სტატიები

მარტი 9 2026

ცვლილებები შრომითი მიგრაციის შესახებ კანონში

2026 წლის 1 მარტიდან ძალაში შევიდა ცვლილებები „შრომითი მიგრაციის შესახებ“ კანონში, რომლის მიხედვით საქართველოში დასაქმებულ უცხოელებს სავალდებულო მოთხოვნები დაუწესდათ. კერძოდ,

ნებისმიერი უცხოელისთვის, რომლის მიზანია ადგილობრივ დამსაქმებელთან შრომითი მოწყობა და ანაზღაურებადი შრომითი ან სხვა სახის საქმიანობის (მომსახურება, ვაჭრობა, მეწარმეობა) განხორციელება სავალდებულო ხდება შრომითი საქმიანობის უფლების/ნებართვის მოპოვება.

ვის ეხება კონკრეტულად ეს ცვლილებები?

საქართველოში მუდმივი ბინადრობის ნებართვის არ მქონე უცხოელზე, რომელიც ადგილობრივ დამსაქმებელთან შედის შრომით ურთიერთობაში. მათ შორის უცხოელზე,რომელიც დისტანციურად ასრულებს სამუშაოს;
საქართველოში მუდმივი ბინადრობის არ მქონე თვითდასაქმებულ უცხოელზე.

რას მოიცავს ცვლილებები?

საქართველოს ტერიტორიაზე უცხოელთა დასაქმება/თვითდასაქმება შესაძლებელი იქნება მხოლოდ „შრომითი საქმიანობის უფლებით“ , ელექტრონული განაცხადით.
თუ მიგრანტს არ აქვს ბინადრობის ნებართვა, უფლებამოსილების მიღების შემდეგ საიმიგრაციო ვიზა ან/და შრომითი ბინადრობის ნებართვა.
უფლებებს გასცემს დასაქმების ხელშეწყობის სახელმწიფო სააგენტო; პროცესი ელექტრონული იქნება, ვაკანსიის პირველადი გამოქვეყნება საჭირო იქნება ოფიციალურ პორტალზე.
საფასური ნებართვის გაცემისთვის: სტანდარტული 30 კალ. დღე — 200 ლარი; დაჩქარებული 10 სამუშაო დღე — 400 ლარი. (დამსაქმებლის მიერ გაიცემა შრომითი იმიგრანტის შემთხვევაში; თვითდასაქმებულს თავად).
შრომითი საქმიანობის უფლება გაიცემა კანონით განსაზღვრულ,ღირებულ ვადაზე კონკრეტულ პოზიციასა და დამსაქმებელზე.
დარღვევები იწვევს სანქციებს; კანონდარღვევის დადასტურებაგამოიწვევს როგორც დამსაქმებლის, ისე დასაქმებულისდაჯარიმებას 2000 ლარის ოდენობით, ხოლო ასეთი ფაქტის განმეორებით გამოვლენის შემთხვევაში სანქციის ოდენობა იზრდება.

თვითდასაქმებულებზე ჯარიმათა აღსრულების მექანიზმი მათთვის, ვინც უკვე მუშაობს 1 მარტის მდგომარეობით ამოქმედდება 2026 წლის 1 მაისიდან.

მიგრაციის შესახებ ცვლილებები მიზნად ისახავს პრაქტიკის მიახლოებას ევროკავშირის სტანდარტებთან, ადგილობრივი შრომის ბაზრის ინტერესების დაცვას და არალეგალური დასაქმების შემცირებას.

წყარო:matsne.gov.ge

იანვარი 29 2026

𝟐𝟎𝟐𝟔 წლის 𝟏 იანვრიდან სამუშაო მოწყობილობების უსაფრთხოების ტექნიკური რეგლამენტი ამოქმედდა.

საქართველოს მთავრობის ახალი №135 დადგენილების მიხედვით ცვლილება ვრცელდება სამუშაო მოწყობილობებზე, რომელიც განთავსებულია „შრომის უსაფრთხოების შესახებ“ საქართველოს ორგანული კანონით გათვალისწინებულ სამუშაო სივრცესა და სამუშაო ადგილზე, რომელმაც შესაძლოა წარმოშვას რისკი.

რეგლამენტი არეგულირებს სამუშაო მოწყობილობების უსაფრთხო გამოყენებას, როგორც დასაქმებულების, ისე სამუშაო სივრცეში მყოფი სხვა პირებისთვის.

რას ეხება?

იგი მოიცავს ვრცელ სპექტრს, კერძოდ:

სპეციფიკურ სამუშაო მოწყობილობებს: მოძრავი მოწყობილობა, ჩანგლიანი დამტვირთველი, თვითმავალი მოწყობილობა, ტვირთამწე მოწყობილობა, ტვირთამწე სტაციონარული მოწყობილობა, ადამიანთა აწევისა და გადაადგილებისათვის განკუთვნილი მოწყობილობა, თავისუფლად მოძრავი ტვირთის ასაწევი მოწყობილობა, სიმაღლეზე სამუშაოების განხორციელებისათვის საჭირო მოწყობილობა;

კომპანიები ვალდებულნი არიან უზრუნველყონ, რომ სამუშაო მოწყობილობები შეესაბამებოდეს შესასრულებელ სამუშაოს და იყოს უსაფრთხო, როგორც დასაქმებულებისთვის, ასევე სამუშაო სივრცეში მყოფი სხვა პირებისთვის.

SMG – შრომის უსაფრთხოების მენეჯმენტის ჯგუფი გთავაზობთ:

ახალი რეგლამენტის მოთხოვნებთან შესაბამისობის უზრუნველყოფას
სამუშაო მოწყობილობების შეფასებასა და სერტიფიცირებას
პასუხისმგებელი პირების სწავლებას
ტექნიკური დოკუმენტაციის მომზადებას
რისკების შეფასებას და მართვის სისტემის დანერგვას
პერიოდული შემოწმებების ჩატარებას

ჩვენი გამოცდილი ექსპერტები დაგეხმარებიან გადასვლის პერიოდის უმტკივნეულოდ გავლაში და კანონმდებლობის სრული შესაბამისობის უზრუნველყოფაში.

SMG–FORSAFETYTOGETHER

იანვარი 22 2026

რატომ არის აუცილებელი შრომითი უფლებების დაცვა თქვენი ბიზნესისთვის?

რატომ არის აუცილებელი შრომითი უფლებების დაცვა თქვენი ბიზნესისთვის?

დღევანდელ დინამიურ ბიზნეს გარემოში, შრომითი უფლებების სრულყოფილად დაცვა არა მხოლოდ ვალდებულებაა, არამედ თქვენი კომპანიას სტაბილურობისა და რეპუტაციის ქვაკუთხედიც არის. შრომის ინსპექციის შემოწმებების შედეგად გამოვლენილმა დარღვევებმა შესაძლოა გამოიწვიოს:

გაფრთხილებები და ჯარიმები
სამუშაო პროცესის შეჩერება
რეპუტაციის შელახვა

კომპანიამ შრომის პირობების დაცვა რამდენიმე მნიშვნელოვანი მიზეზით უნდა გაითვალისწინოს — ეს ეხება არა მხოლოდ კანონმდებლობას, არამედ ბიზნესის გრძელვადიან წარმატებასაც. ესენია:

1.იურიდიული ვალდებულება

შრომის კანონი კომპანიებს ავალდებულებს უზრუნველყონ უსაფრთხო და ჯანსაღი სამუშაო გარემო. კანონის დარღვევამ შეიძლება გამოიწვიოს:

ჯარიმები
სასამართლო დავები
საქმიანობის შეჩერება

2.თანამშრომლების უსაფრთხოება და ჯანმრთელობა

უსაფრთხო სამუშაო პირობები ამცირებს უბედური შემთხვევების, პროფესიული დაავადებებისა და სტრესის რისკს. ჯანმრთელი თანამშრომელი უფრო პროდუქტიული და მოტივირებულია.

3.პროდუქტიულობის ზრდა

სასიამოვნო და უსაფრთხო გარემოში დასაქმებულები უკეთ მუშაობენ. სტაბილური პირობები კი ზრდის ხარისხს და ამცირებს შეცდომებს

4.პერსონალის შენარჩუნება და მოტივაცია

კარგი სამუშაო პირობები აძლიერებს თანამშრომლის ერთგულებას. როცა დასაქმებული გრძნობს რომ კომპანია მასზე ზრუნავს, ნაკლები შანსია მისი სამსახურიდან წასვლის. კადრების ხშირი ცვლა კი კომპანიას ძვირი უჯდება — გადამზადება, შერჩევა, დროის დაკარგვა

5.კომპანიის რეპუტაცია

შრომითი სტანდარტების დაცვა ქმნის კომპანიისადმი ნდობას — როგორც თანამშრომლების, ისე პარტნიორებისა და მომხმარებლების მხრიდან. ცუდი რეპუტაცია კი მყისიერად აისახება გაყიდვებსა და თანამშრომლების მოზიდვაზე.

კომპანია, რომელიც ზრუნავს თანამშრომლებზე, უფრო მიმზიდველია:

კლიენტებისთვის
პარტნიორებისთვის

ინვესტორებისთვის

რას გთავაზობთ SMG?

დოკუმენტების სრული ანალიზი – არსებული ხელშეკრულებებისა და რეგლამენტების შემოწმება
შაბლონების მოდიფიცირება – კანონმდებლობასთან შესაბამისობაში მოყვანა
იურიდიული კონსულტაციები – შრომითი უფლებების ყველა საკითხზე
რისკების პრევენცია – პრობლემების წინასწარ აღმოჩენა და გადაწყვეტა
ტრენინგები – თქვენი გუნდისთვის პრაქტიკული ცოდნის გაზიარება
წარმომადგენლობა – ადმინისტრაციულ ორგანოებში თქვენი ინტერესების დაცვა

ჩვენი კვალიფიციური იურისტები უზრუნველყოფენ ყველა საჭირო დოკუმენტაციის მოწესრიგებას შრომითი უფლებების მართვის სისტემის დანერგვის პროცესში.

SMG-SAFETY MANAGEMENT GROUP- თქვენი სანდო პარტნიორი შრომითი უფლებების დაცვაში!

სექტემბერი 3 2025

რატომ არის მნიშვნელოვანი უსაფრთხოების წესების დაცვა სამუშაო მოწყობილობების გამოყენებისას?

სამუშაო მოწყობილობების უსაფრთხო გამოყენება სამუშაო ობიექტზე აუცილებელია რამდენიმე მიზეზის გამო.

√ დაცულია თქვენი ჯანმრთელობა და სიცოცხლე

√ იზრდება კომპანიაში დასაქმებულთა პროდუქტიულობა

√ კომპანიის დადებითი რეპუტაცია და წარმატება იზრდება

2025 წლის 1 სექტემბრიდან ძალაში შევიდა ახალი ტექნიკური რეგლამენტი “სამუშაო სივრცეში სამუშაო მოწყობილობების გამოყენებისას უსაფრთხოებისა და ჯანმრთელობის დაცვასთან დაკავშირებული მინიმალური მოთხოვნების შესახებ”.

რეგლამენტი ადგენს სამუშაო ტექნიკასთან დაკავშირებით უსაფრთხოებისა და ჯანმრთელობის მინიმალურ წესებს, რომელთა დაცვა სავალდებულოა ყველა იმ ადამიანისათვის, ვინც საწარმოო პროცესში სხვადასხვა ტიპის მოწყობილობებს იყენებს.

ცვლილება ითვალისწინებს:

სამუშაო ინსტრუმენტების შერჩევისას დამსაქმებლის მიერ სპეციფიკური სამუშაო პირობების, სამუშაო მოწყობილობის მახასიათებლების, საწარმოში არსებული და სხვა დამატებითი საფრთხეების შეფასებას
სამუშაო დანადგარის ტექნიკური დოკუმენტაციის ხელმისაწვდომობასა და მისი გამოყენება ქარხანა დამამზადებლის პასპორტში მითითებული რეკომენდაციების შესაბამისად.
სამუშაო მოწყობილობების დამონტაჟებას, განლაგებასა და გამოყენებას იმ ფორმით, რომ გამოირიცხოს, ან მინიმუმამდე იქნას დაყვანილი სამუშაო ტექნიკიდან გამომდინარე საფრთხეები, როგორც თანამშრომელთა, ასევე – სამუშაო არეალში მყოფ სხვა ადამიანთა მიმართ.

ახალი რეგლამენტი შრომის ინსპექციის სამსახურმა და დევნილთა შრომის, ჯანმრთელობისა და სოციალური დაცვის სამინისტრომ შეიმუშავეს.

გვახსოვდეს-უსაფრთხოების წესების დაცვა არ არის მხოლოდ ფორმალობა, არამედ ეს არის პასუხისმგებლობა ყველა თანამშრომლის და დამსაქმებლის. ამ წესების დაცვა კი ქმნის უფრო ჯანსაღ, უსაფრთხო და პროდუქტიულ გარემოს ყველასთვის!

SMG მზადაა დაეხმაროს მცირე, საშუალო თუ დიდ ბიზნესს შრომითი უსაფრთხოების მიმართულებით, რათა თქვენი სამუშაო გარემო სრულად შეესაბამებოდეს ახალ კანონმდებლობას და სტანდარტებს.

აპრილი 1 2025

7 მთავარი მიზეზი, თუ რატომ არის აუცილებელი ბიზნესისთვის შრომის უსაფრთხოების სისტემის დანერგვა

თანამედროვე და განვითარებული ქვეყნებისთვის შრომის უსაფრთხოების დაცვა პირდაპირ გამოხატავს სახელმწიფოს ბაზრის განვითარების დონეს.

ნებისმიერი ბიზნესი ვალდებულია იზრუნოს თავის თანამშრომლებზე და შეინარჩუნოს უსაფრთხო სამუშაო გარემო.

შრომის უსაფრთხოების სისტემის (Occupational Health and Safety Management System, OHSMS) დანერგვა ბიზნესისთვის აუცილებელია რამდენიმე მთავარი მიზეზის გამო:

კანონმდებლობის დაცვა

ბიზნესები ვალდებულნი არიან დაიცვან შრომის უსაფრთხოების შესახებ არსებული კანონები და რეგულაციები (საქართველოს შრომის კოდექსი)

2. თანამშრომელთა ჯანმრთელობისა და უსაფრთხოების უზრუნველყოფა

ამცირებს სამუშაო ადგილზე დაზიანებების, პროფესიულ დაავადებების რისკს.
უზრუნველყოფს მორალურ და ფსიქოლოგიურ კომფორტს, რაც ზრდის პერსონალის მოტივაციას და ერთგულებას.

3. პროდუქტიულობის გაზრდა

უსაფრთხო და ჯანსაღ გარემოში თანამშრომლები უფრო ეფექტურად მუშაობენ, როცა არ არიან დაძაბულობის ან საფრთხის განცდის ქვეშ.

4. ფინანსური დანაზოგი

დაზიანებებისა და ავადმყოფობების შემცირება ამცირებს კომპენსაციების, სამედიცინო ხარჯების და დაზღვევის ხარჯებს.
ასევე, თავიდან უშვებს დროისა და რესურსების დაკარგვას სამუშაო ადგილის ავარიების ან ინციდენტების გამო.

5. რეპუტაციის გაძლიერება

კომპანიები, რომლებიც უსაფრთხოების სტანდარტებს იცავენ, იღებენ დადებით შეფასებას პარტნიორების, კლიენტების და ინვესტორებისგან.
ეს განსაკუთრებით მნიშვნელოვანია საერთაშორისო ბაზარზე, სადაც OHSAS 18001 ან ISO 45001 სერთიფიკატები ხშირად მოთხოვნადია.

6. რისკების მართვა

შრომის უსაფრთხოების სისტემის დანერგვა საშუალებას აძლევს ბიზნესს სისტემატურად აფასებდეს და აკონტროლებდეს რისკებს, რაც ხელს უწყობს მდგრადობას გრძელვადიან პერსპექტივაში.

7. კონკურენტუნარიანობა

ზოგიერთი კონტრაქტი ან ტენდერი მოითხოვს OHSMS-ის არსებობას, როგორც მონაწილეობის წინაპირობას.
კომპანიები, რომლებიც აკმაყოფილებენ საერთაშორისო სტანდარტებს, უფრო მარტივად ხვდებიან გლობალურ ბაზრებზე.

ზემოთ ჩამოთვლილი მიზეზების გათვალისწინებით ვასკვნით, რომ შრომის უსაფრთხოების სისტემა არა მხოლოდ კანონიერი მოთხოვნაა, არამედ სტრატეგიული ინვესტიცია ბიზნესის მდგრადობაში, რომელიც ემსახურება როგორც თანამშრომლების, ასევე ორგანიზაციის ხანგრძლივ წარმატებას.

თუ გაქვთ ბიზნესი, @SMG.შრომის უსაფრთხოების მენეჯმენტის ჯგუფი გთავაზობთ შრომის უსაფრთხოების დანერგვის სრულ პაკეტს. ჩვენი სერვისები ნებისმიერი ორგანიზაციის საჭიროებებზეა მორგებული.

გახადეთ თქვენი სამუშაო სივრცე კიდევ უფრო უსაფრთხო, დაგვიკავშირდით და მიიღეთ დეტალურად უფასო კონსულტაცია შრომის უსაფრთხოების დაცვასთან დაკავშირებულ ნებისმიერ საკითხზე.

#SMGFORSAFETYTOGETHER

იანვარი 31 2025

პარტნიორები ჩვენს შესახებ

შრომის უსაფრთხოების მენეჯმენტის გუნდისთვის მნიშვნელოვანია ჩვენი პარტნიორები ყოველთვის კმაყოფილები იყვნენ მიღებული სერვისით. დიდწილად მათი დამსახურებაა, რომ SMG დღეს ბაზარზე რეიტინგული კომპანიაა.

Dreamlend Oasis Apartments ჩვენი ერთგული და სანდო პარტნიორებიდან ერთ-ერთია, რომელთანაც 4 წლიანი ნაყოფიერი თანამშრომლობა გვაკავშირებს.შრომის უსაფრთხოების სისტემის მაღალი სტანდარტით დანერგვის შემდეგ, დრიმლენდ ოაზისის გუნდმა გასულ წელს ჩვენს კომპანიას პერსონალური მონაცემების დაცვაც ანდო.

ჩვენი კომპანიების მრავალწლიან თანამშრომლობას დრიმლენდ ოაზისის დირექტორის მოადგილე, მამისა ვარშალომიძე აფასებს.

რამდენი წელია რაც SMG-თან თანამშრომლობთ და ამ დროს როგორ შეაფასებდით? რა შეიცვალა შრომის უსაფრთხოების კუთხით თქვენს კომპანიაში?

კომპანია SMG-თან მრავალწლიანი პარტნიორობა გვაკავშირებს, რაც ხაზს უსვამს ჩვენს ნაყოფიერ და ნდობაზე დაფუძნებულ ურთიერთობებს. დრიმლენდ ოაზისი, როგორც 13 ჰექტარზე განთავსებული მრავალპროფილური კომპლექსი, ყოველდღიურად დგას უსაფრთხოების მართვის მნიშვნელოვან გამოწვევებთან. SMG-სთან თანამშრომლობა არის ბიზნესისთვის უდიდესი კომფორტი, რამეთუ ნებისმიერი ცვლილებისა და სიახლის შემთხვევაში ვართ ინფორმირებულნი და მყისიერად ვახდენთ მის პრაქტიკაში გატარებას, ხსენებული კი ჩვენს გუნდს საშუალებას აძლევს, კონცენტრირდეს მომსახურებისა და ინფრასტრუქტურის გაუმჯობესებაზე. მათი მხარდაჭერით გადავდგით მნიშვნელოვანი ნაბიჯები და მკვეთრად გავაუმჯობესეთ შრომის უსაფრთხოების სტანდარტები, რაც კომპანიის შიდა პროცესების სანდოობისა და ეფექტურობის გაზრდას ემსახურება.

თითქმის ერთი წელია SMG თქვენი კომპანიის პერსონალური დაცვისოფიცერიცაა. ამ მიმართულებაზეც რომ გვითხრათ, ჩვენიმომსახურების სარგებელი როგორია? რა დადებით შედეგს გაძლევთ?

გასულ წელს დაკისრებული ვალდებულების ფარგლებში, კომპანიაში პერსონალური მონაცემების დაცვის ოფიცრის დანიშვნის აუცილებლობა წარმოიშვა. ამ მიმართულებით არჩევანი SMG-ს მიერ შეთავაზებულ კანდიდატზე შევაჩერეთ. აღნიშნული სპეციალისტის დახმარებით აქტიურად ვმუშაობთ მონაცემთა დამუშავების სტანდარტების გაუმჯობესებაზე და მათი პრაქტიკაში დანერგვის პროცესის გამართვაზე. SMG-ს პროფესიონალიზმისა და გამოცდილების წყალობით, დარწმუნებული ვარ, რომ ამ მიმართულებით თანამშრომლობა უაღრესად ნაყოფიერი იქნება და კომპანიის მონაცემთა დაცვის პოლიტიკის კიდევ უფრო მაღალი სტანდარტების დამკვიდრებას შეუწყობს ხელს.

რას ფიქრობთ, რამდენად მნიშვნელოვანია შრომის უსაფრთხოების კულტურის ქონა კომპანიებისთვის საქართველოში და თქვენ პირადად რა ბენეფიტს გაძლევთ ჩვენთან თანამშრომლობა?

შრომის უსაფრთხოების კულტურა ნებისმიერი კომპანიისთვის აუცილებელია, განსაკუთრებით საქართველოში, სადაც თანამშრომლების კეთილდღეობა და უსაფრთხოება ბიზნესის განვითარების ერთ-ერთ მთავარ პრიორიტეტად უნდა იქცეს. Dreamland Oasis-სთვის ეს მიმართულება განსაკუთრებულ მნიშვნელობას იძენს, რადგან ჩვენ გვსურს ვიყოთ მაგალითი მაღალი სტანდარტების დაცვისა და ინოვაციური მიდგომების დანერგვაში. SMG-სთან თანამშრომლობა საშუალებას გვაძლევს ვიყოთ დარწმუნებულნი, რომ ნებისმიერი ცვლილება ან ინიციატივა შრომის უსაფრთხოებისა და მონაცემთა დაცვის სფეროში დროულად და სწორად იქნება აღსრულებული.
ბენეფიტებს შორის განსაკუთრებით აღსანიშნავია SMG-ს გამოცდილება და მზაობა, წინასწარ რეაგირების სტრატეგიებისა და გეგმის შემუშავებაში, რაც უზრუნველყოფს სწრაფ და ეფექტურ გადაწყვეტილებებს. მათი პროფესიონალიზმი, ნდობაზე დაფუძნებული პარტნიორობა და პროცესების სანდოობა წარმოადგენს ჩვენთვის სტაბილური განვითარების ერთ-ერთ ქვაკუთხედს.

ოქტომბერი 30 2024

როგორ შევარჩიოთ და გამოვიყენოთ ელექტრო ხელსაწყოები სწორად?

ყველა ადამიანს აქვს უფლება მუშაობდეს უსაფრთხო გარემოში და ეს დამსაქმებელმა უპირობოდ უნდა უზრუნველყოს. როდესაც სამუშაო სივრცეში მომუშავე პიროვნებას სჭირდება ხელსაწყოები, მათი სწორი გამოყენება აუცილებელი პირობაა დაზიანების თავიდან ასაცილებლად.

სტატიაში გაეცნობით რეკომენდაციებს, რომლებიც დაგეხმარებათ ელექტრო ხელსაწყოები გამოიყენოთ სწორად და უსაფრთხოდ.

ხელსაწყოების და მათ შორის, ელექტრო ხელსაწყოების გამოყენებაზე როდესაც ვსაუბრობთ, არ უნდა დაგვავიწყდეს, რომ მისი გამოყენება მხოლოდ იმ პირებს შეუძლიათ, რომლებსაც აქვთ შესაბამისი კვალიფიკაცია და აკმაყოფილებენ შემდეგ პირობებს:

მომუშავე პერსონალი იყენებს იდს -ს (ინდივიდუალური დაცვის საშუალებები) სამუშაო სპეციფიკის შესაბამისად.
ყოველი გამოყენების წინ უნდა მოხდეს ხელსაწყოების დათვალიერება ვიზუალურ დეფექტებზე.
დასაქმებულს გავლილი აქვს შრომის უსაფრთხოების სწავლება.

ელექტრო ინსტრუმენტებს გააჩნიათ კვების სხვადასხვა წყაროები,მაგ:

ელექტრო • პნევმატური • თხევადი საწვავი • ჰიდრავლიკური ელექტრო ინსტრუმენტი .

ელექტრო ხელსაწყოები-სადენებთან დაკავშირებული უსაფრთხოების წესები

სამუშაო სივრცეში, სადაც სადენებია განლაგებული, დასაქმებულის ელექტრო შოკისგან დასაცავად, ელექტრო ინსტრუმენტი აღჭურვილი უნდა იყოს ორმაგი იზოლირებით ან ინსტრუმენტში უნდა გამოიყენებოდეს დაბალვოლტიანი იზოლირებული ტრანსფორმატორი. ასევე, გასათვალისწინებელია შემდეგი:

არ გადაიტანოთ ინსტრუმენტი სადენის მეშვეობით;
არ გამოიყენოთ ელექტრო სადენები ინსტრუმენტის ასაწევად ან დასაშვებად;
არ გაჭიმოთ კაბელი ინსტრუმენტის დენის წყაროდან ჩასახსნელად;
ინსტრუმენტის კაბელი განათავსეთ სითბოს წყაროდან,ზეთისგან და საგნების მკვეთრი კიდეებისგან მოშორებით

უსაფრთხოდ მუშაობისთვის- დ ა ვ ი მ ა ხ ს ო ვ რ ო თ

სამუშაო ადგილები კარგად უნდა იყოს განათებული და სიმშრალე შენარჩუნებული;
არ იმუშაოთ ელექტრო ინსტრუმენტებით ფეთქებად გარემოში;
არ იმუშაოთ ელექტრო ინსტრუმენტებით წვიმის დროს ღია სივრცეში;
მყარად დაიჭირეთ ხელსაწყო ორივე ხელით და ყოველთვის გამოიყენეთ გვერდითი სახელურები;
ხელები მოარიდეთ მბრუნავ ნაწილებს და არ დატოვოთ ჩართული ხელსაწყო უყურადღებოდ;
სამუშაოების დასრულებისთანავე არ შეეხოთ ხელით ინსტრუმენტის სამუშაო ნაწილს, რადგან ისინი შეიძლება იყოს ცხელი და გამოიწვიოს კანის დამწვრობა.

ვიზრუნოთ ერთად უსაფრთხო სამუშაო გარემოს შექმნაზე და გავუფრთხილდეთ ერთმანეთის სიცოცხლეს!

აგვისტო 6 2024

ახალი რეგულაცია დაუფასოებელ სურსათთან დაკავშირებით

2024 წლის 1-ელი აგვისტოდან დაუფასოებელ სურსათზე, გარდა დასახელებისა და ალერგენების შესახებ ინფორმაციისა, პროდუქტზე მისი წარმოშობის/ქვეყნის მითითებაც სავალდებულო გახდა.

,,ტექნიკური რეგლამენტის-მომხმარებლისთვის სურსათის შესახებ ინფორმაციის მიწოდების თაობაზე“ მთავრობის დადგენილება N301-ში შესული ცვლილებების მიხედვით განისაზღვრა ინფორმაცია, რომელიც პროდუქტზე თვალსაჩინო ადგილას უნდა განთავსდეს.

სარეალიზაციო ობიექტებზე სავალდებულოა:

√ სურსათის დასახელება(სახეობა)

√ ,,ალერგენის გამომწვევი ან მომეტებული მგრძნობელობის მქონე ნივთიერებების ან პროდუქტების ‘’ შესახებ ინფორმაცია.

√ სურსათის წარმოშობის ადგილი ტექნიკური რეგლამენტის 25-ე მუხლით განსაზღვრული მოთხოვნების შესაბამისად.

რა განსხვავებაა დაფასოებელ და დაუფასოებელ სურსათს შორის აღნიშნული რეგლამენტის განმარტებით?

დაფასოებული სურსათი ეს არის – საცალო ვაჭრობის პუნქტში განთავსებამდე წინასწარ ნაწილობრივ ან მთლიანად შეფუთული ერთეული, რომელიც მიეწოდება მომხმარებელს ან/და საზოგადოებრივი კვების ობიექტს, რომელიც შედგება სურსათისა და შესაფუთი მასალისაგან და რომლის შიგთავსის შეცვლა შეუძლებელია შეფუთვის გახსნის ან შეცვლის გარეშე.
ყველა სხვა დანარჩენი წარმოადგენს დაუფასოებელ სურსათს .
დაფასოებულ სურსათს არ განეკუთვნება სურსათი, რომლის შეფუთვა ხდება საცალო ვაჭრობის პუნქტში მომხმარებლის თხოვნით ან წინასწარ დაფასოებულია (უშუალოდ) რეალიზაციის მიზნით;

ცნობისთვის, რეგლამენტის თანახმად, აქამდე აღნიშნული ინფორმაციის მითითება მხოლოდ ხორცზე იყო სავალდებულო, განხორციელებული ცვლილებებით კი პირველი აგვისტოდან ყველა სახის სურსათისთვის სავალდებულო იქნება.

დეტალური ინფორმაცია აღნიშნული რეგლამენტის შესახებ შეგიძლიათ მოიძიოთ ვებ -გვერდზე: https://matsne.gov.ge/ka/document/view/6203722?publication=0

ივლისი 2 2024

სიმაღლეზე მუშაობის რეგლამენტში ცვლილებები შევიდა

სიმაღლეზე მუშაობის უსაფრთხოების მოთხოვნების შესახებ ტექნიკური რეგლამენტის დამტკიცების თაობაზე“ N 477 დადგენილებაში ცვლილებები შევიდა.

დოკუმენტის მიხედვით, სავალდებულო ხდება დამცავი მოაჯირის მონტაჟი ყველგან, სადაც არსებობს სიმაღლიდან ვარდნის პოტენციური საფრთხე.ცვლილებების მიხედვით, ღიობების (ნაგებობაში ღიად დატოვებული სივრცეები), ყველა მხარე შემოსაზღვრული უნდა იყოს დამცავი მოაჯირებით. ასევე, ღიობთან ახლოს მდებარე პანდუსი ან დაქანებული ადგილი, რომელიც გამოიყენება ადამიანის სავალ ბილიკებად, უნდა იყოს მოაჯირებით შემოსაზღვრული.

დოკუმენტის მიხედვით:

დამცავი მოაჯირი/მოაჯირები/სახელურები უნდა დამონტაჟდეს ყველგან, სადაც არსებობს სიმაღლიდან ვარდნის პოტენციური საფრთხე.

დამცავი მოაჯირი აწყობილი უნდა იყოს EN 13374 სტანდარტით განსაზღვრული მოთხოვნების შესაბამისად ან აკმაყოფილებდეს ამ ტექნიკური რეგლამენტით გათვალისწინებულ მოთხოვნებს. დამცავი მოაჯირების EN 13374 სტანდარტის შესაბამისად მონტაჟისას გათვალისწინებული უნდა იქნეს ამ სტანდარტით გათვალისწინებული შესაბამისი კლასი და ტიპი.

სამუშაო სივრცეში განთავსებული ნებისმიერი ხარაჩო უნდა იყოს სწორად დაპროექტებული, EN 12810-1 სტანდარტით ან ამ ტექნიკური რეგლამენტით განსაზღვრული მოთხოვნების შესაბამისად დამზადებული ან აწყობილი, ასევე სათანადოდ მოვლილი, რათა გამოირიცხოს მათი ჩამოშლა ან შემთხვევითი გამოძრავება.

სიმაღლეზე სამუშაოებისათვის განკუთვნილ ხარაჩოს უნდა გააჩნდეს შესაბამისობის ტექნიკური დოკუმენტი, რომელიც უნდა ინახებოდეს იმ სამუშაო სივრცეში, სადაც განთავსებულია ხარაჩო.

სამუშაო სივრცეში განთავსებულ ნებისმიერ ხარაჩოს უნდა გააჩნდეს ჩანაწერები მისი ექსპლუატაციის შესახებ. ასეთი ჩანაწერები უნდა იყოს ხელმისაწვდომი ხარაჩოს ექსპლუატაციის შესაბამისი პერიოდის განმავლობაში, როდესაც ხარაჩო გამოსაყენებლად განთავსებულია სამუშაო სივრცეში.

ხარაჩოს აწყობა/დაშლა, შეცვლა და სარემონტო სამუშაოების წარმოება შესაძლებელია მხოლოდ პასუხისმგებელი პირის ან მის მიერ დანიშნული პირ(ებ)ის უშუალო მონაწილეობით. ხარაჩოს შემოწმების თაობაზე მზადდება შემოწმების ანგარიში (წერილობით), რომელიც უნდა ინახებოდეს შრომის უსაფრთხოებაზე პასუხისმგებელ პირთან.

2026 წლის პირველი იანვრიდან, სამუშაო სივრცეში განთავსებულ და გამოყენებული უნდა იქნეს სიმაღლეზე სამუშაოებისათვის განკუთვნილი მხოლოდ ის ხარაჩო, რომელსაც გააჩნია EN 12810-1 სტანდარტთან შესაბამისობის ტექნიკური დოკუმენტი.

ამ და სხვა ცვლილებების შესახებ ინფორმაცია სრულად, ხელმისაწვდომია მითითებულ ბმულზე:

https://www.matsne.gov.ge/ka/document/view/6196584…

შეგახსენებთ, რომ საქართველოს მთავრობამ რეგლამენტი ,,სიმაღლეზე მუშაობის უსაფრთხოების მოთხოვნების შესახებ“ 2017 წელს მიიღო, რომლის მიხედვით სიმაღლეზე მომუშავე ყველა თანამშრომელს უნდა ჰქონდეს გავლილი შესაბამისი სწავლება, რომელიც ეფუძნება საერთაშორისოდ აღიარებულ სასწავლო მოდულებს.

ტექნიკური რეგლამენტი განსაზღვრავს სიმაღლეზე სამუშაოების შესრულებისას ძირითად მოთხოვნებსა და პრევენციული ღონისძიებების ზოგად პრინციპებს იმ სამუშაოებზე, სადაც არსებობს 2 მეტრის და მეტი სიმაღლიდან ვარდნის საფრთხე (მათ შორის, ჭები, ღიობები, ნათხარი გრუნტები და ა.შ.). ამასთანავე, დამსაქმებელსა და დასაქმებულს შორის ჩნდება ვალდბეულება, რომელიც დაკავშირებულია უსაფრთხო და ჯანსაღი სამუშაო გარემოს შექმნასთან.

ივნისი 11 2024

ქალები შრომის უსაფრთხოების სფეროში

შრომის უსაფრთხოების სფეროში ქალების ჩართულობა მთელი მსოფლიოს მასშტაბით და მათ შორის საქართველოშიც, სტაბილურად იზრდება, რაც გამოწვეულია სამუშაო ძალაში მათი მზარდი მონაწილეობით, ლიდერის როლების ამაღლებით და უსაფრთხო სამუშაო პირობების ადვოკატირებით. ჯერ კიდევ ათეული წლის წინ, შრომის უსაფრთხოების სფერო საზოგადოების უმრავლესობისთვის, მამაკაცების პროფესიად აღიქმებოდა. დღეს ეს შეხედულება შეიცვალა და შრომის უსაფრთხოების სფეროს მიმართ ქალების ინტერესი გაიზარდა.

SMG-ის შრომის უსაფრთხოების ქალი სპეციალისტები, კომპანიის დაარსების პირველივე დღიდან ჰყავს და მათ განვითარებაზე უწყვეტად ზრუნავს.

გაგაცნობთ ჩვენი გუნდის შრომის უსაფრთხოების ქალ სპეციალისტებს, რომელთაც მნიშვნელოვანი წვლილი შეაქვთ ქვეყანაში შრომის უსაფრთხოების კულტურის დანერგვასა და განვითარებაში.

ინგა რობაქიძე- 3 წელია SMG-ის შრომის უსაფრთხოების სპეციალისტია.

ჩვენს ქვეყანაში შრომის უსაფრთხოების სფეროს პოპულარიზაციის შემდეგ ინგა დარგით დაინტერესდა, სტომატოლოგის პროფესიაზე უარი თქვა, პროფესიულ კოლეჯში 2 წლიანი კურსი გაიარა და კომპანიაში დასაქმების დღიდან პარტნიორ ობიექტებს შრომის უსაფრთხოების სისტემის წარმატებით დანერგვაში ეხმარება.

,,წლების წინ დამსაქმებლები ნაკლებად აქცევდნენ ყურადღებას დასაქმებულების ჯანმრთელობას სამუშაო სივრცეში, ამიტომ გადავწყვიტე შრომის უსაფრთხოების შესწავლა. ვთვლი, რომ ძალიან მნიშვნელოვანი საკითხია, რადგან ეხება ადამიანის სიცოცხლეს და შრომისუნარიანობას. სამწუხაროდ, საქართველოში არ აქცევენ შრომის უსაფრთხოების დიდ ყურადღებას და ვერ იაზრებენ რამდენად მნიშვნელოვანი საკითხია, რადგან შეიძლება სამუშო სივრცეში შრომის უსაფრთხოების არქონის გამო მრავალი უბედური შემთხვევა მოჰყვეს. ამიტომ აუცილებელია ყველგან იყოს დანერგილი რომ თავიდან ავიცილოთ პროფესიული დაავადებები და უბედური შემთხვევები“- ამბობს ინგა რობაქიძე.

ინგას მიაჩნია, რომ ქალბატონებს დიდი როლი აქვთ ამ დარგის განვითარებაში. ფიქრობს, რომ მნიშვნელოვანია ქალებს ეფექტური წვდომა ჰქონდეთ იმ პროგრამებზე, კურსებსა და შესაძლებლობებზე, რომლებიც მიზნად ისახავს საქართველოში შრომის უსაფრთხოების სპეციალისტის პროფესიის განვითარებას.

ნინო მეზვრიშვილი- SMG-შრომის უსაფრთხოების მენეჯმენტის ჯგუფში კომპანიის დაარსების დღიდან მუშაობს.

,,შრომის უსაფრთხოება წარმოადგენს სწრაფად განვითარებად და ზრდად სფეროს , ამიტომ გადავწყვიტე სწავლა გამეგრძელებინდა და შემდეგ სამუშაოც მეპოვნა ამ განხრით რადგან ვიცოდი რომ შევიძენდი პროფესიას, რომელიც მომცემდა არამხოლოდ პროფესიულ, არამედ პიროვნულ განვითარებას.

სამწუხაროდ, ბევრს დღესაც არ ესმის რამდენად მნიშვნელოვანია დასაქმებულების უსაფრთხოება და შრომის უსაფრთხოებას აღიქვამენ მხოლოდ როგორც კანონმდებლობრივ მოვალეობად, რაც ბევრ წინააღმდეგობას ქმნის. ვფიქრობ, ყველაზე ეფექტური სისტემა დაინერგება, როცა არამხოლოდ შრომის უსაფრთოების სპეციალისტები გამოავლენენ მოტივირებულობას დასაქმებულების უსაფრთხოებისთავის, არამედ დამსაქმებლებიც. რადგან შრომის უსაფრთხოება ტრადიციულად მამაკაცების პროფესიად აღიქმებოდა, ქალებმა უნდა იცოდნენ, რომ მათაც შეუძლიათ ამ სფეროში თავიანთი კარიერის განვითარება. ვფიქრობ, როგორც ქალს არ გამჭირვებია ამ სფეროში ფეხის მოკიდება და არანაირი წინააღმდეგობები არ შეგიშლის ხელს ის საქმე აკეთო რაც მოგწონს“-ამბობს ნინო მეზვრიშვილი

მარიამ ბოლქვაძე- SMG-ის სერტიფიცირებული შრომის უსაფრთხოების წარმომადგენელია Buckswood school/ბაქსვუდის საერთაშორისო სკოლის, გელოვანის ფილიალში.

,,როგორც იცით შრომის უსაფრთხოების სფეროს დიდი ხანია მსოფლიოს განვითარებულ ქვეყნებში უდიდესი მნიშვნელობა ექცევა და თუ ეს საკითხი ტრადიციულად მნიშველოვანი ვიწრო სეგმენტებში იყო, მაგალიდათ ნავთობის ან ქიმიური წარმოების სფეროები, დღეს უკვე ყველა ინდუსტრიაში განსაკუთრებით საყურადღებო გახდა. მკაცრდება სტანდარტები და მოთხოვნები, რაც კომპანიების მხრიდანაც მეტ აქტივობას და ჩართულობას მოითხოვს.

ყველაფერი ამის გათვალისწინებით, საქართველოშიც შრომის უსაფრთხოების სფერო ვითარდება ძალიან დინამიურად და მეც გადავწყვიტე ამ პერსპექტიული და საინტერესო საქმით დავკავებულიყავი. დავამთავრე პროფესიული სასწავლებელი და სერტიფიცირების შემდეგ, მალევე დავსაქმდი SMG-ში. აქ მომეცა საშუალება პირველივე დღიდან ჩავრთულიყავი ამ გამოწვევბით სავსე საინტერესო და საპასუხისმგებლო საქმიანობაში. ძალიან მეამაყება, რომ დიდი გამოცდილების გუნდის დახმარებით წარმატებულად ვართმევ თავს დაკისრებულ პასუხისმგებლობებს“-ამბობს მარიამ ბოლქვაძე.

მარიამს მიაჩნია, რომ შრომის უსაფრთხოების დაცვა კერძო სექტორის მდგრადობასა და წარმატებას უზრუნველყოფს. დარგის უფრო მეტად განვითარებისთვის კი თვლის, რომ საჭიროა ცნობიერების ამაღლების მნიშვნელობა როგორც დამსაქმებლებისათვის, ასევე დასაქმებულებისთვისაც.

ქალთა ჩართულობა შრომის უსაფრთხოებაში გადამწყვეტია ახლაც და მომავალშიც უსაფრთხო სამუშაო გარემოს შესაქმნელად. მათი უნიკალური პერსპექტივები, ლიდერობა და გამოცდილება მნიშვნელოვნად უწყობს ხელს სამუშაო ადგილის უსაფრთხოების სტანდარტებისა და პრაქტიკის გაუმჯობესებას.

SMG ქალების ჩართულობას შრომის უსაფრთხოების სფეროში ყოველთვის მხარს დაუჭერს და მათ კარიერულ განვითარებაზე ზრუნვას მომავალშიც გააგრძელებს.